WILLEMSTAD.- E akusado I.G. (22) ayera akusá pa aktonan di inmoralidat i relashon seksual ku menor, a  keda kondená na 200 ora di trabou pa komunidat.

Esaki despues ku fiskal Forbuis-Vicento a hasi un demanda di 36 luna di kual 18 kondishonal ku un periodo di prueba di 2 aña.

I.G.  ayera a responsabilisá su mes pa su akto. E ta  keda akusá ku den periodo di sèptèmber 2013 pa mart 2015 di a tene relashon seksual ku un damita di apénas 11 aña e tempu ei.

E akusado mes tabatin 19 aña.

Ayera durante tratamentu di su  kaso e akusado a duna di konosé ku e no  a para ketu na e edat di e damsita.

Hues a bisa di a haña e kos straño pa motibu ku  e tabata tene relashon konstant ku e damita.

Segun akusado e damita mes tabata ke i tabata invit’é bin su kas kada bes ora su so tabata tei. Nan tur dos tabata bai kas di otro pa tene relashon.

Hues ketu bai a keda bisa e akusado, kiko un hòmber di 19 aña por tin na un mucha di 11 aña.

Segun akusado na momento ku el a realisá kiko e tabata bezig kuné, el a puntra e damita si e sali na barika kiko lo pasa.

Riba esaki e akusado a bisa ku e damita e ore’i a bis’e ku e no a haña su regla.

Segun e akusado, el a mira bèrdat ku e damita a kuminsá bira gordo i a disidí di lag’é hasi un tèst di embaraso ku a resultá positivo.

E damita a deklará na polis ku ora el a bisa e akusado di su barika, esaki a bisé pa wak e no menta su nòmber.

Dado momento el a asta kuminsá sintié menasá pa motibu ku e akusado tabata bèl pone preshon riba dje pa kòrda no benta su nòmber.

Ayera e akusado pa promé bia ofisialmente a tende ku praktikamente e ta tata biológiko di  e baby.

Un tèst di DNA  di paternidat a keda hasí pa motibu ku e damita mes a atmití ku e tabatin relashon seksual ku un otro hóben.

E akusado a bisa ku e lo ke ta ehèmpel pa su yu i kuida esaki.

E damita i famia via slachtofferhulp a hasi un demanda di daño perhuisio di 83 mil florin. Esaki tabata enserá paña nan ku e mester a bisti durante su embaraso, pago na kas Broeder Puis i otro gastunan.

Hues Edelenbos den su desishon a rechasá e daño perhuisio ma motibu ku esaki no tabata sufisiente bon motivá.  E damita lo biaha pa Ulanda ku su baby i asina bai un Teener huis pa haña guia