WILLEMSTAD.- Ayera den oranan di anochi, polis a hasi dos detenshon den Kaya  Mikeas. Ta trata aki di e homber di inisial A.C.M di 29 aña di edat kende ta kandidato  riba lista di un partido polítiko nobo i tambe ta un promotor.

Segun informashon ofisial di polis. Un pareha tabatin diskushon ku otro  despues ku un dama a yega haña su pareha ku un otro dama. E hòmber a maltratá e dama di forma severo mientras ku e dama na su turno a kibra e glas di e pikòp di e hòmber.

Tur esaki a tuma lugá den presensia di dos yu menor ku e homber tin ku e dos damanan. Polis ku a yega na e sitio a detené e hòmber sospechoso A.C.M. di 29 aña di edat pa maltrato i e dama sospechoso M.G.L. di 23 aña di edat pa destrukshon. Tur dos ta nasé na Kòrsou.

A presentá e duo dilanti di un fiskal ouksiliar, ku a ordená su enkarselamentu pendiente di mas investigashon.