WILLEMSTAD.- Un mama responsabel mesora a pidi presensia di polis na su kas na momentu ku su yu a yega ku un komportashon kompletamente for di òrdu.

Djaluna 12 di novèmber alrededor di tres or di atardi, Sentral di Polis a dirigí un unidat na un kas den área di Brievengat  pa un kaso di menasa.

Na yegada di e unidat a topa ku un dama ku a konta polis ku su yu a yega kas bou di influensia di droga i tabata menasá tur hende. Na e sitio a detené  hòmber E.A.M. nasé  na Kòrsou di 20  aña di edat. Kontinuando ku e investigashon a tene un kòntròl den kamber di e sospechoso i den un tas a haña i konfiská un (1) arma di kandela transformá  i dos (2) bala skèrpi.

A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.