WILLEMSTAD.- Albertico “Tico” Sambo ku ya no mester di mashá introdukshon, konosí pa su trabou nan di diseño pa sertámen nan di Miss i tambe gruponan di Karnaval.

E aña aki no ta un eksepshon kaminda un biaha mas e ta duna su aporte.
Awor ta move su alanan pe hermana isla di Aruba, kaminda riba invitashon di e organisashon di Miss Universe Aruba bou di enkargo di Anoutcka Koolman- Burleson a dun’e e oportunidat i enkargo pa diseñá e trahe nashonal pe sertámen di Miss Universe Aruba.
E diseño aki a wòrdu diseñá pa sr Sambo i konfekshoná i realisá p’e artista Colombiano Richard Ramirez. E kombinashon aki a produsí un ‘National Costume’ digno pa un sertamen Miss Universe.
The Goddess of the seas

Tema di e trahe ta ‘The Goddess of the Seas’, Aruba ta konosí pa su awa kristalino i olanan grandi ku ta bati kantu di baranka i esaki ta loke tabata e inspirashon pa e trahe.
Pa tur ku ke sa mas di e diseñadó krioyo aki, por subi su instagram i por mira algun di su diseñonan ku e la realisa riba nivel nashonal i internashonal pa sertamen nan di Miss.
Danki speshal na e organisashon di Aruba, ku a duna nos artista, diseñadó lokal, e oportunidat pa por a duna su aporte .

Éksito na e diseñadó YDK i tambe Miss Aruba pa e sertámen di Miss Universe.
Asina’ki a keda demostrá e union i hermandat  entre e islanan Aruba i Kòrsou.

LAGA UN KOMENTARIO

Please enter your comment!
Please enter your name here