WILLEMSTAD.- Dos hóben hopi yòn a keda detené pa intento di asesinato.
Segun polis ta informá ku kontinuando ku un investigashon relashoná ku intento di asesinato ku a tuma lugá dia 8 di aprel 2021 na Groot Sta. Martha, polis di Barber a hasi dos detenshon.
Djamars 20 di aprel 2021 alrededor di 11.10 or, polis di Barber a detené e hòmber sospechoso E.E.G.I. nasé na Kòrsou di 19 aña di edat, relashoná ku e kaso ariba menshoná. E detenshon a tuma lugá na Warda di Polis Barber na momentu ku e hòmber a bai entregá su mes.
Seguidamente djárason 21 di aprel 2021 alrededor di 12.35 or polis a detené un sospechoso mas den e kaso di intento di asesinato ariba menshoná. Ta trata di e hòmber S.G.R. nasé na Kòrsou di 16 aña di edat. E detenshon aki tambe a tuma lugá na Warda di Polis Barber.
A presentá ámbos sospechoso dilanti un fiskal ouksiliar ku a ordená nan enkarselamentu
pendiente di mas investigashon.