WILLEMSTAD. - Polis ta pidi búskeda di un hobensita di 17 aña di edat ku ya tin un luna pèrdí. Mester indiká ku ta trata di un situashon un poko straño, pa motibu ku e hobensita ku por sierto tabata kana huntu ku su famia den Punda, a kana bai laga su famia i te awe no a mira e hobensita aki mas.

Segun e relato polisial ta bisa ku, djaluna 30 di òktober último, Glailenys huntu ku un familiar a sali kas pa bai Punda. Durante nan paseo den Punda Glailenys a kana bai laga su familiar i te na e momentunan aki Glailenys no a regresá kas.

Ta trata di Glailenys Guadalupe Guerra Colina, nasé na Venezuela di 17 aña di edat.

Polis ta supliká tur hende ku por duna kualke informashon tokante di Glailenys pa tuma kontakto ku polis na e number di telefòn 917 òf na e number anónimo 108. Glailenys Guadalupe Guerra Colina, nasé na Venezuela di 17 aña di edat...