WILLEMSTAD.- Abogado Dickens a haña rason serka e tribunal di Hof, despues ku el a hasi petishon di daño perhuisio pa su kliente eks detenido N.M. (21). Monte huntu ku algun akusado a keda akusá di a tira un atrako armá  dia 25 di ougùstùs  2019 riba e trùk di pan Naoki’s.

Aparentemente  e hòmbernan a baha kara tapá i a atraká  e personanan den e trùk di pan. Nan a bai ku mas o ménos 450 florin riba e dia ei. Despues di investigashon, polis a logra detené Monte i e otro sospechosonan. Monte a keda será 148 dia den aresto preventivo. Dia 22 yüli 2020 el a keda sentensiá na 3 luna di prizòn kitando aresto preventivo. A resultá ku Monte a sinta  58 dia di mas di loke el a risibí na kastigu.

Mirando esaki, su abogado mr Dickens mesora a hasi un petishon, pa daño perhuisio. Despues di a trata e kaso, Hof a duna e abogado rason i bai di akuerdo pa paga Monte e daño perhuisio di loke el a sinta di mas. Abogado general tin 14 dia pa hasi apelashon riba e desishon.

.