WILLEMSTAD – Eks minister Dr. Rutsel Martha lo no por forma parti di e ekipo di abogado ku lo bai representá George Jamaloodin na momento ku su kasonan bin dilanti den Korte. Informashon di último ora ku EXTRA a risibí ta indiká ku awe mainta Hof a pronunsiá su desishon den e kaso ku a keda tratá dia 15 di òktober último tras di porta será den kual Dr. Rutsel Martha a hasi e petishon aki. Den nan desishon e tres wesnan a argumentá, ku pa Martha por forma parti di e ekipo di abogado e mester ta inskribí komo abogado na un un Korte, pero esei no ta e kaso. Pa tal motibu su petishon a keda rechasá. Den edishon di EXTRA mayan lo tin mas detaye