WILLEMSTAD.- Ministerio Públiko (OM) ta informá awe ku Hoge Raad na Den Haag a informá ku nan ta rechasá e petishon pa kasashon di Burney “Nini” Fonseca i Danillo Hanson den e kaso di droga yamá “Riziña”. Ku e desishon aki e kondena di 4 aña di prisòn na 2017 pa Fonseca i Hanson a bira irevokabel.

E kaso aki ta parti di e kasonan rondó di asesinato di e lider polítiko Helmin Wiels q.e.p.d. Kaso Magnus ta konsistí di vários investigashon manera Marie Pampoen (esnan ku a ehekutá morto di Wiels), Zoutpannen (morto di Raul “Bolle” Martinez), Riziña (kaso di droga ku Nini ta detené p’e) i Maximus (esnan ku a duna enkargo pa morto di Wiels).