WILLEMSTAD.- Ayera nochi algu pasá di 11’or di anochi, Kòrsou ta konosé otro morto den tráfiko. Un hòmber ku tabata manehá un bròmer riba Bragadushiweg den Montaña, a bai dal den muraya di kas. E aksidente tabata asina fuerte ku slòf dje víktima a keda riba kurá di e kas, komo tambe un pida dje bròmer. E hòmber a keda bentá abou na suela sin ta duna señal di bida.

Na momentu ku e personal di ambulans a yega na e sitio, no por a hasi nada mas p’e víktima. EXTRA ta ekstendé palabra di kondolensia na famia dje defuntu.