3 kaso di asesinato pa 2022

WILLEMSTAD.-E djadumingu aki, Dia di Mama, a habri ku un kaso kaminda un hòmber a kore yega Poli di CMC ku vários herida di bala. E personal di CMC a bai atendé ku e hòmber pero el a muri na e sitio, no por a hasi nada mas pa salb’e. E tabata kompañá pa un hende muhé ku ta mustra señal di basta maltrato.

Informashon ku EXTRA a risibi i ku a keda konfirmá pa bosero polisial ta indiká ku ta den área di Bonam a surgi un situashon na un kas i einan e lòsmentu di bala lo a tuma lugá. E investigashon di polisnan ta kanando. Esaki ta di 3 kaso di asesinato di 2022. Keda pendiente pa mas detaye di e kaso aki segun esaki  ta desaroyando. Forsa na famia i pas na alma di e defuntu.