WILLEMSTAD.- E akusado E. N. (38) lo presentá awe den sala di korte pa su kaso keda tratá integralmente.

Tin 5 akusashon kontra di E.N. E ta keda akusá di a kometé aktonan inmoral ku   un hobensito di 14 aña den e periodo di novèmber 2018 te ku aprel 2019.

Tambe e ta keda akusá ku den e mesun periodo, el a kometé mesun tipo di aktonan  inmoral ku un otro hobensito di 16 aña. Segun e di 3 akusashon, e akusado a kometé aktonan inmoral ku yu hòmber di un kolega di apénas 11 aña.

E tabata esun ku supuestamente tabata kuida e yu ku tabata keda drumi serka dje. Segun e akusashon, e tabata mishi ku e hobensito su parti íntimo i hasi sex oral kuné.

Pa loke ta trata e di 4 i di 5 akusashon, e ta keda akusá di tabata mishi ku un damita  den  e periodo di novèmber 2005 te ku ougùstùs 2006. E tempu ei e damita tabatin 11 aña. Aworakí e tin 26 aña.

Tambe E.N. ta keda akusá di a penetrá i tabata sunchi e damita den su boka miéntras e tabata kometé e akto. El a kita sunú i mishi ku e damita su parti íntimo i despues hasi penetrashon.

E kaso a keda posponé  na vários okashon pa falta di investigashon.

Durante ku e tabata será na Barber, el a keda agredí i komo konsekuensia un banda di su oido a keda afektá. Esun ku a agredié a keda sentensiá pa e kaso aki i tambe e otro delito penal ku el a kometé.

El a bisa ku E.N. na chikí a trata na mishi kuné, pero e no por a hasi nada i fo’i di e  dia ei, el a keda ku rabia den su kurpa. Ora el a topa E.N. na Barber el a baha tur su furia riba dje.

E kaso lo keda tratá awe integralmente.