WILLEMSTAD.- Un biaha mas outoridatnan ta realisá otro detenshon pa ladronisia di outo. Kontinuando ku un investigashon den un kaso di ladronisia di outo kometé den luna di yanüari último, polis a detené un sospechoso.

Ayera mainta, alrededor di mitar di seis, tim di aresto konhuntamente ku e tim di joyriding a detené e hòmber sospechoso M.I.A. nasé na Sürnam di 32 aña di edat, pa e kaso ariba menshoná. E detenshon a tuma lugá na Kaya Renbak.

Seguidamente e agentenan a tene un entrada hudisial na e adrès menshoná, kaminda a konfiská algun artíkulo ku ta di importansia pa e investigashon.

A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.