WILLEMSTAD.- Un hòmber ku a bai buska kos pa hòrta den e edifisio di Campo Alegre, a keda detené.

Ayera atardi, personal di seguridat di e edifisio a tuma nota di un hòmber ku a subi e tereno sin outorisashon.

Mesora a pone polis na altura. Polisnan huntu ku un kompania di seguridat ku a yega na e sitio, a logra detené e hòmber nèt na momentu ku e tabata bandoná e sitio.

A bai warda di polis ku e hòmber aki i tambe a konfiská e vehíkulo, ku e tabata move aden.