WILLEMSTAD.- Djaluna último, un persona a keda detené relashoná ku investigashon den un kaso ku a tuma lugá.

Na momentu di chekeo di informashonnan den sistema di registrashon, a sali na kla ku e persona aki tabatin mas ku NAF 10.000,- na but habrí. Mas aleu a konstatá tambe ku den pasado ya kaba a yama e persona aki pa asina e por atendé ku pago di e kantidat di butnan ku e tin atrasá pero esaki nunka a tuma lugá.

Pa e motibu ei, Ministerio Públiko a disidí di ehekutá e detenshon supsidiario, loke ta enserá ku e persona aki lo mester keda será pa 155 dia lokual ta ekivalente na e montante di but ku e tin habrí pa motibu di no a paga e butnan.

P’esei Ministerio Públiko ta konsehá pa tur outomobilista paga butnan habrí òf drenta un areglo di pago i asina evitá un situashon desagradabel asina.