WILLEMSTAD.- Abogado mr Dickens ayera a logra ku su kliente Dutley Schobaar (39) por bai Brasami entrante 19 di aprel 2021.

Korte a bolbe dun’e un chèns i a bis’e ku ta lastu bia . Esaki ta pa yuda e akusado yega na un trayekto pa e tratamentu “ ambulante”.

Tantu e trahadó di Reclassering Godfried  i e direktora di Brasami señora Flamming tabata presente pa  deklará komo eksperto.

Godfried di Reclassering a bisa ku e tin yen pregunta si ta bale la pena tuma Schobaar den Brasami.

El a bisa ku e tin miedu ku Schobaar no ta bai stòp di uza mariwana debí ku e tin un adikshon fuerte.

Segun Godfried, ambulante TBS no tin  sentido i  ta kere e  no ta  bai bira nada paso nan konosé Schobaar añanan kaba ku e problemátika aki i no ta promé bia e ta bai haña yudansa.

Pa loke ta trata e direktora di Brasami e ta bisa ku el a haña solamente “intake i  aanmelding” i tambe e rapòrtnan datá fo’i 2019 mas e rapòrt di rekomendashon di Heitel na Febrüari último.

E di nan a haña  un konseho hopi neutral serka Reclassering, pero di e otro banda nan mes tin duda ku nan lo alkansá e tratamentu. E konseho ta un  tratamentu intramoral den un lugá será for di atmishon obligatorio pa medio di kòmbersashonnan ku ta motivá.

Segun Flemming, e kliente mes mester por ke i ta dispuesto pa siña i sali pa dilanti sino e kos no ta bai.

E echo ku e kliente a haña su depot ( angua) i a stabilisá  por papia di sikiatria latento.

Ora Schobaar drenta den Brasami e ta bai 10 dia den karentena i denter di 5 pa 6 siman ta ferwagt resultado.

Si despues no tin faktornan ku ta sostené, por bin ku fuentenan nobo.

E ore’i  ta wak ku e ta adekuá òf inadekuá pa e tratamentu.

E atmishon obligatorio por dura un aña, pero por wòrdu prolongá ku 6 luna. Dr Heitel ta bai un bia pa luna pa duna medikashon depot (angua). E tratamentu ta bai den  3 fase. E promé fase ta desintoksikashon i restabilisashon kual por dura 3 pa 4  luna i ta dun’e un sistema di rekompensa.

Esei ta nifiká si bai bon, e por haña verlòf i despues di 9 luna por bai ku verlòf kas. Dia 8 di yüni 3 or lo bolbe bin huntu pa evaluá kon a bai ku e tratamentu i e trayekto ta realisabel.