WILLEMSTAD.- Un víktima di ladronisia atento a tuma nota di su propiedat ku algun luna atras a keda hòrtá.

Ta trata aki di un trailer ku un persona manehando un vèn a hòrta na fin di aña pasá, den área di Steenrijk. E persona aki a keda kore i usa e trailer manera nada no a pasa. Ayera e víktima di ladronisia a señalá su propiedat riba Winston Churchillweg.

E sospechoso tabata manehá e mesun vèn ku a keda usá dia di e ladronisia.

A detené e sospechoso i konfiská e vèn i trailer pendiente mas investigashon.