WILLEMSTAD.- Un homber ku posiblemente tabatin ménos bon intenshon, a keda detené ayera den área di Sabana Baka.

For di lokual por a komprondé, a señalá e homber aki manehando den e vehíkulo di forma misterioso. Aparte di esaki e homber tabatin ámbos plachi number tapa ku un pida paña. Ora outoridatnan a puntr’e dikon e plachi numbernan ta tapa e no por a duna un kontesta. Mirando ku posiblemente e tabata bai hasi algu ménos bon kisas kometé un atrako òf ladronisia, a bai warda di polis ku e sospechoso pendiente mas investigashon.

E outo tambe a keda konfiská i transportá pa warda di polis.