WILLEMSTAD.- Djadumingu den oranan di anochi Polis a keda dirigí pa Saliña despues di a risibí informashon di un kaso di destrukshon ku lo mester a tuma lugá.

For un investigashon preliminar ku polis a hasi na e sitio a resultá ku un hòmber (pasahero) ku a baha for di e bùs na e parada ariba menshoná  tabatin un diskushon fuerte ku shofùr di e bùs.

Dado momentu e hòmber a destruí un bentana di e bùs ku su man.

Na e sitio polis a detené e hòmber sospechoso J.A.C. nasé na Kòrsou di 56 aña di edat, relashoná ku e destrukshon ariba menshoná.

A presentá e sospechoso dilanti un Fiskal Ouksiliar.