WILLEMSTAD.- Ayera nochi Kòrsou a konosé un kaso tristu kual a kosta bida di un hòmber riba laman.

Den oranan di anochi wardakosta, polis i tambe ambulans a keda dirigí pa e área di Spaanse Water despues di a risibí informashon ku lo mester tin un aksidente ku a surgi riba awa. Na nan yegada na e sitio por a komprondé ku algun ratu promé kapitan di un boto moviendo ku velosidat haltu i sin lus, lo mester a aksidentá. Un hòmber a resultá gravemente herida.

Paramedikonan a hasi tur kos ku tabata posibel pero e hòmber aki a fayesé na e sitio mes debí na múltiple leshonnan risibí.