WILLEMSTAD.- Un hòmber ku bastante kurashi a keda detené despues ku a haña e hòmber aki ku 36 paki di droga den su poder.

Ayera alrededor di 1 or di mardugá, e personal di UST huntu ku Curmil, durante nan patruya riba Schottegatweg West na altura di un misa, a tuma nota di un hòmber ku tabata aktua poko sospechoso.

Polis a para e hòmber akí pa un kontròl. Durante di e kontròl, den un tas di skouder ku e sospechoso tabatin den su poder a haña 36 paki di mariwana i a konfiská esakinan. Na e sitio a detené e hòmber sospechoso B.S.A.D.J. nasé na Kòrsou di 23 aña di edat, pa violashon di e lei di opio.

A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.