WILLEMSTAD.- Alrededor di 3or di mardugá sentral di polis a risibí notifikashon ku un SUV a yega na CMC ku un persona ku heridá di bala.

Na yegada di e vehíkulo na CMC nan a pasa dal e boom sigui bai paden kousando daño na esaki. Dos persona lo mester a baha na CMC i laga e víktima atras. Aparentemente e víktima ku a fayesé tabata esun ku tabata manehando e vehíkulo na momentu di e tiroteo.

Mesora sentral a manda unidat di Otrobanda na e sitio pa tuma nota di e situashon.

Na yegada di polis nan a komprondé ku un SUV a yega CMC ku 3 persona aden, nan a yega para e SUV na e parti di emergensia i 2 persona a baha kore bai lagando e víktima su so den e vehíkulo.

Paramedikonan mesora a bai duna asistensia na e víktima pero lamentablemente esaki a bin pèrdè su bida.

No ta konosí na unda e tiroteo a tuma lugá ni ken ta e 2 personanan ku a trese e víktima na CMC.

Polisnan a start mesora ku investigashon den e kaso aki I a haña indikashon ku e kaso di tiramentu aki a tuma lugá den área di Brievengat.

Tambe a konfiská e SUV pa mas investigashon.