Despues di 21 aña biba ku su señora ta sake for di kas

WILLEMSTAD. – E siudadano R. M. Allee ta buska hustisia i ta di opinion ku a deskrimin’é i ta kere ku mester para e tipo di kosnan aki.
Allee tin mas ku 21 aña ta biba na Aruba i tin su kontratista i tabata biba huntu ku un señora di inisial A.S. E tabata e persona ku ta paga hür, pero mas o ménos dos aña pasá sin niun motibu e señora desendiente surinameño a saka Allee for di kas.
Esaki a bira un kaso kaminda ku polis mester a kai aden, pa motibu ku Allee ta di opinion ku te ta paga kas i no por sake afó.
Esaki a bira un disputa, pero den korte e señora a kambia su deklarashon i a bisa ku Allee a menas’é i p’esei el a pidi polis pa sak’e for di kas. Allee a splika EXTRA ku subrino di e señora ta polis.
Allee a bisa ku no tin niun keho di menasa den su kontra i ta un kòmplòt a traha den su kontra, p’asina e señora logra su meta. Ta polisnan a siña e señora kiko e tin di bisa i nan a logra e meta tambe. Allee mester a sali for di e kas i keda tantu meter leu for di e señora pa 1 aña largu.
Esaki a pone ku Allee a bin Kòrsou, pa motibu ku e no tin kas pa e biba aden, su hèrmèntnan, su outo i tur kos a keda Aruba.
E kos aki tin Allee molestiá pa e forma diskriminatorio ku a atendé kuné, pa motibu ku el a bai “huurcommissie” i lo mester haña tempu promé ku sak’e for di kas, pero tòg pa medio di polis ta sak’e ilegalmente for di e kas, pa motibu di keho falsu entregá.
El a pidi yudansa pa haña abogado pro-deo, pero a ning’e, pero e señora si a haña abogado. Esaki tambe Allee ta konsiderá komo un akto diskriminatorio.
Ni maske kuantu Allee a sklama na hefe di polis e no a logra, pero nan a kore kuné na mal òrdu for i ofisina di polis.
Tur loke ku e tabata ke ta splika e engaño i keho falsu den su kontra i ku nada ku e señora a deklará no ta kuadra ku realidat.
Allee a splika ku nan a biba mas ku 21 aña huntu i semper tabata bon bon ku otro i sin problema. E loke ku a pasa ta ku durante e pandemia trabounan a slou i e no tabatin entrada manera ántes.
Pues ounke ku kos tabata slou, e ta pagando e kas tur luna, pero riba un dia sin motibu e ta haña sorpresa di su bida, ora ku e señora a disidí di sak’e for di kas na mal òrdu.
Allee ke hustisia i ke bai bèk Aruba i bai su kas bèk ku el a biba 21 aña aden. Si ke sak’e, mester kana e kaminda legal, pero no e forma sin motibu i basá riba deklarashon engañoso Allee ta bisa.

LAGA UN KOMENTARIO

Please enter your comment!
Please enter your name here