MERKA.- E aktor Javier Bardem, kende den e pelíkula ‘Loving Pablo’ ta interpretá e ròl di Pablo Escobar ta komprondé dikon tin tantu aktor ku ke interpretá e ròl dje baron di droga kolombiano.
‘E ta un persona ku masha kontradikshon, esei ta duna aktornan un interes enorme’.
‘Escobar tabata un barí di kontradikshon, di un banda e tabata un hòmber di famia i di otro banda, un hòmber ku si un persona trata na krusa den su kaminda ku lo el a laga asesiná esaki. E oumento di peso manera un Hipopótamo durante di su bida, ta ser igualá ku su manera di pasa riba tur hende pa e sigui pa dilanti.
Den e pelíkula, Penélope Cruz ta hunga e ròl di e kasá di Escobar, Virginia Vallejo. Den bida real Cruz ta e kasá di Bardem. ‘ E echo ku bo ta traha ku bo kasá tin masha probecho. Bo tin e mesun oranan di trabou i bo ta huntu ku otro na mesun lugá. Pero Escobar i Virgina tabatin un relashon di hopi preshon ku otro. Penélope i ami a purba pa na kas nos kita e ròlnan for di otro, anto esaki a logra. Nos matrimonio ta intakto!’, asina Bardem a terminá bisando.