WILLEMSTAD. - Na vários sitio por tuma nota di bòrchinan di tráfiko bentá abou kual den mayoria kaso ta debí na aksidente.

E bòrchinan di tráfiko tur ta pone na punto nan stratégiko I tin nan funshon ta pa duna indikashon di reglanan di tráfiko aplikabel na e sitio enkuestion.

Ta remarkabel pa mira kuantu di nan tin abou na suela i ta dura simannan i por bisa asta luna promé ku esakinan keda drechá pa por siguí den e funshon ku nan tin.

Di otro banda mirando kuantu di e bòrchinan aki ta keda alkansá pa vehíkulo den tráfiko, ta surgi e pregunta, si e bòrchinan aki ta keda pone na e posishon korekto. Ministerio di VVRP ta esun responsabel pa regla esakinan i sòru pa tráfiko ta mas sigur.