WILLEMSTAD.- Vários kaso den korte a keda posponé, debí ku tin algun hues ku ta den karentena mirando ku nan tabata den kontakto ku personanan ku a tèst positivo pa COVID.
Esei ta pone ku hopi kaso no por a sigui e dianan aki, mirando e situashon.
E personal di Korte ta siguiendo tur protokòl relashoná ku e pandemia di COVID i a sòru pa nan personal kompletu tin tapa boka.
Tur hende ku bishitá korte ta obligá pa tin un tapa boka i mester registrá nan nòmber i fam, fecha, number di telefòn ora ku yega na porta promé ku drenta paden.
Henter e edifisio tin “handsanitizer” na muraya tur kaminda i tambe tin un persona spesial ku ta desinfektá tur baki ku pasa kontròl.