WILLEMSTAD. - Den wikènt tras di lomba bishitantenan di laman na Mari Pampoen un dado momentu mester a sali for di awa pa un gran kantidat di e loke ku nan ta yama pèchi portugues. Un hobensita a keda alkansá djadumingu pa un di e bestianan aki i su kondishon a bira dje delikado ei ku a yama ambulans ku a transportá e hobensita pa poliklínika. E dianan aki mester wak hopi bon den laman ora ta landa. Riba  e foto por mira modèl di e loke ku ta keda yamá pèchi portugues, ku tabata na kantidat grandi den awa.