WILLEMSTAD. - For di despues ku Krus Kòrá a stòp ku e tarea di repartí pakete di kuminda pa famia nan ménos prudente, tin hopi siudadano ku ta preokupá ku nan lo no haña e yudansa mas.

Vários ta e yamadanan ku EXTRA ta risibí riba e partikularidat aki i un di e aspektonan ku a hala atenshon ta ku Minister di SOAW a duna di konosé ku lo sigui yuda e hendenan ku tabata haña yudansa serka Krus Kòrá.

Pero mirando e desaroyonan di último dianan, siudadanonan a kuminsá  preokupa ora ku nan ta tuma nota ku no ta tur hende di Krus Kòrá lo sigui haña yudansa.

E loke ku ta preokupá algun di e personanan ku a aserka EXTRA ku e chèns tei ku nèt nan ku ta den nesesidat pa motibu ku riba nan mes nan no por, tin chèns di kai afó for di e programa.

Un di e señoranan a splika EXTRA ku simplemente e lo no por soportá e sla aki, e no tin niun kaminda di bai si e no haña e yudansa.