WILLEMSTAD.- Ta realmente un tristesa kiko hendenan sin eskrúpulo i sin amor pa bestia ta kometé.

Ayera EXTRA a tuma nota di un situashon kaminda hendenan ku sa frekuentá den área di Bullenbaai a tuma nota kon deskonosí(nan) a pone seis kachó morto banda di otro kantu di kaminda.

Ta trata aki di kachónan ku posiblemente a keda venená. E mesun kachónan aki sa frekuentá e área diariamente. Posiblemente hendenan sin amor pa bestia a venená e kachónan aki i despues pone nan na e sitio pa wak ken ta tira nan afó.

Ta spera realmente ku ta yega un dia ku outoridatnan ta atendé ku hendenan ku ta trata ku bestia di e forma aki.

Tristu!