WILLEMSTAD.- Curaçao Medical Center (CMC) ta informa ku a ampliá e kantidat di kamanan disponibel pa pashènt ku COVID-19 pa un máksimo di 121. Awe mainta e tim di sala di operashon a konvertí nos “Recovery Room” den un Kuido Intensivo pa pashèntnan ku COVID-19.

Normalmente, e “Recovery Room” ta kaminda pashèntnan ta drumi pa rekuperá despues di un operashon. E área aki ta banda di sala di operashon i ta ekipá ku ekiponan di monitor nesesario pa sigui desaroyo di pashèntnan.