WILLEMSTAD – Wes a kaba di dikta sentensia den e kaso di e asesinato ku a tuma lugá na e trùk di pan na Palu Blanku. Gherardi Jansen (22) a keda kondena na 15 anda di prizòn i mesora a detené. Ministerio Públiko a pidi un kastigu di prisòn di 18 aña.

Ko-akusado den e kaso aki Christopher Rumay a keda apsolvé di tur kulpa.

Despues di kasi 3 aña, Korte di promé instansia a bolbe presentá e kaso ku a tuma lugá entre e anochi di 20 pa 21 di yanüari 2018 na Palu Blanku.

Den e anochi en kuestion e víktima Gwensley Frederick (nasé na Kòrsou dia 29 di mart 1992) a keda likidá durante su ora di trabou na e trùk di pan. Ministerio Públiko na promé instansia a akusá Gherardi Jansen (22) pa e kaso.

Jansen a keda kasi 14 luna será, pero despues hues a bai di akuerdo pa suspendé su detenshon pendiente pa e kaso keda tratá.

Den edishon di EXTRA mayan lo tin un relato amplio.