WILLEMSTAD.- Hòmber residivista ku a keda detené pa kaso di ladronisia ku a tuma lugá na Seri Lora dia 24 di yüni aña pasa i inkubrimentu di telefòn hòrtá e aña aki, a bai kas despues di a keda 2 luna será.
Durante su detenshon a akus’é tambe pa otro kaso, pero na final a kita e akusashon ei i a akus’é pa solamente e ladronisia den un bibienda i tambe artíkulonan ku a keda hòrtá durante e ladronisia en kuestion.
Hues komisario a splika ku si e akusado mester keda será pa warda su kaso bin dilanti, esaki lo bira mas tantu ku e kastigu ku e lo haña i lo bira desproporshonal.
Tin algun testigu ku a bisa di a rekonosé e hòmber riba imágennan di grabashon pero segun su abogado mr Dickens no por proba ku ta su kliente.
Abogado Dickens a bin ku algun punto dilanti di kual hues a bai kompletamente di akuerdo kuné.
Hues komisario a rechasá e petishon pa alargá e aresto preventivo i a ordená pa e akusado bai kas ayera mes.