WILLEMSTAD. - Ayera na final di su kaso, kaminda e akusado Jonathan Lloyd a keda kondená na 36 luna pa inkubrimentu di televishon hòrtá i poseshon di arma kandela, Lloyd tabata kier a puntra hues pa e por duna su frei un sunchi debí ku e tin mas ku 7 luna sin mira su famianan.

Pero ora Lloyd kier a puntra hues pa dun’é e chèns ei, el a hasié den palabranan ku hues mesora a par’é i no a ni skucha e loke ku e kier a puntra. Lloyd a yama hues “ruman” i hues no a akseptá e palabra ei den niun sentido. Hues a splika Lloyd ku no ta papia asina ku niun hues pasó e rèspèt tin ku keda. E aktitut ei a stroba ku Lloyd por a haña chèns di brasa su pareha manera e tabata deseá.