WILLEMSTAD.- Konseho di Supervishon di e koperativa di spar i krédito di mas grandi ACU a informá su sosionan ku e siman aki, pa ta mas eksakto djárason awor 11 di sèptèmber 2019, e huisio sumario entre Konseho di Supervishon i e direktiva (Bestür), ku reunion general (ALV) di dia 21 di yüli 2019 a despedí ta tuma lugá.
Ta informá tambe ku despues di mas o ménos dos siman ku e huisio sumario tuma lugá hues lo dikta sentensia. Despues di esei Konseho di Supervishon lo tin mas detaye i klaridat riba e puntonan manera establesimentu di direktiva, kontinuashon di Reunion General, stipulá montante di Dividendo i Elekshon pa miembronan nobo di órganonan statutario.