WILLEMSTAD - Hulanda ta bai stòp di duna hospital nan di Kòrsou i Sint Maarten apoyo di personal.  Asina e Minister di Salubridat hulandes Ernst Kuipers a informá  ‘Tweede Kamer’ den un karta tokante di e estado di situashon aktual. E agensia merikano di empleo médiko AMI mester a yuda na desèmber na momentu ku e variante omikron a eksplota na e islanan. Hulanda ta paga kada hospital pa e apoyo èkstra. Kuipers ta skibi ku e kantidat di infekshon na e isla nan ta bahando. Espesialmente Sint Maarten tabata tin mester di yudansa ku urgensia paso hopi miembro di e personal di atenshon médiko tabata kontagiá ku Covid-19. Hulanda ta paga pa e kampaña di ‘booster shot’ pa Kòrsou i Aruba. Ta un kampaña pa kuminsá duna oportunidat pa tuma e ‘booster shot’ den sentro di bario nan, iglesia nan i tambe otro lugá nan di konfiansa den e bario nan kaminda ku te ainda e tasa di bakunashon ta abou