WILLEMSTAD.- Den su relato anual di aña eskolar ku a pasa, Direktiva di Skolnan Katóliko ta bisa entre otro ku e aña 2019-2020 tabata unu ku su retonan, un aña ku lo no por lubidá. Tabata un aña eskolar ku na kaminda a bin konosé un pandemia ku a bin paralisá e enseñansa pa algun luna, i por bisa ku e impakto ku esaki a hasi riba enseñansa tabata supstansial. Pa loke ta Enseñansa di Fundeshi no a logra hasi pruebanan di EFO, i tampoko por a hasi eksámennan sentral pa skol avansá. Tabata nesesario pa skolnan a adaptá nan normanan di akuerdo ku e situashon deskonosí i a base di nan propio kalkulashonnan.
Segun RKCS den su rapòrt na Parlamento, e último añanan e poblashon di studiantenan den enseñansa a konosé un tendensia di bahada. I esaki tin influensia direkto riba e kantidat di studiantenan ku tin presente na kada skol. Por bisa ku RKCS for di su lantamentu na dia 29 di desèmber 1969 ta e direktiva di skol mas grandi di pais Kòrsou ku kasi 55% di e skolnan supsidiá dor di gobièrnu.
Den skol di fundeshi un kantidat di 952 alumno a terminá e aña eskolar. Di esaki un 29.3% a sigui pa e nivel di HAVO, 66.6% pa VSBO i 4.1% pa AGO.
Pero e sifranan ku e alumnonan a optené lo no por ser registrá pa por hasi komparashon, ya ku tabatin diferensia den e pruebanan, momentunan di prueba i e normanan ku a ser apliká.
Di e 27 skolnan di enseñansa di fundeshi tabatin 15 skol (55%) ku a skor un porsentahe di 25% òf mas pa loke ta kontinuashon pa e nivel di HAVO. Pa loke ta alumnonan ku a drenta pa formashon básiko un 40% a marka un sifra ku ta mas abou ku 5,5 pa idioma an Hulandes. Den eksámen final di VSBO un 53.3% a skor un ‘onvoldoende’ pa idioma Hulandes. Na nivel di HAVO/VWO un 13% di alumnonan di formashon básiko a skor un ‘onvoldoende’ pa Hulandes, ku un sifra promedio di 6,4, aunke den eksámen final 4% di studiantenan a skor un ‘onvoldoende’, ku un sifra promedio di 6,1.
Mas aleu e rapòrt ta bisa ku e porsentahe di graduashon na nivel di VSBO a baha na 56.8%, kual ta mas abou ku e último tres añanan, i partikularmente por a konstatá un bahada serka dos di e kuater skolnan VSBO. Pero serka skolnan HAVO/WVO e resultadonan tabata hopi positivo, i un biaha mas por a konstatá un subida no opstante e situashon di pandemia.
Pa loke ta SBO, e último aña eskolar por a mira un subida den e resultadonan final. E kantidat di studiantenan ku a finalisá nan estudio SBO tabata di 74%, ku tabata 659 studiante.
Thaviana Francisca
Un bon tardi na boso tur di Extra, Mi tin un yu ku ta baiendo VSBO i mi ta hanja na mi trabou hopi mucha ku ta kore stage. I mi kurason ta bai pa nan. E problema mas grandi ku tin ta e pakete ku e muchann tin ku skohe no tin tur e vakken nan ku nan mester of tin vakken ku nan no mester mes pa nan por bai studia kune of bai HAVO. Pa kuminsa den un reunion di major a bisa nos ku VSBO no ta sluit aan na HAVO, paso nan nivel no ta klop ku otro, dus di un manera indirekto nos penja saka pa bai hiba e mucha HAVO. Ora a puntra dikon a bisa nos ku ora e muchann kaba VSBO nan mester bai SBOi no ta rekomdenda pa bai HAVO paso nan no por kabe. Esaki ta na skol Albert Schweitzer VSBO. Mi ke duna boso un ehemel, mi yu ke studia bira botikario bijvoorbeeld pa hasi easki e mester di schiedkunde, natuurkunde, wiskunde i biologie. Esey pa mi ta logisch paso mi ta traha den kuido i mi tin famia ku ta botikario. Pero e pakket aki no ta existi, pa bo hanja schiekunde i natuur bo mester kies Techniek pero den Techniek no tin Biologie pero ICT i kosnn technieko manera kon pa traha kas, technieko di auto, enz. Ok nos a kies pa Zorg ku si tin Biologie pero niun kaminda mi no por kies scheikunde i natuurkunde aserka sino Economie, spaans i wiskunde!...........bisami ku ki smak nan ta kaba un skol ku nan sa ku ta hasi nan trajektoria pa jega loke nan ke mas largu? Bo por imagina bo mes stajer nan ku no sa kon nan ta hasi ora nan kaba paso nan NO tin e vakken nn kunan mester?? Pesey hopi ta fada i hopi ta lage kai i dropout.....nan ta wordu deskurasha pe opshion ku nan ta hanja Masha danki pa skucha un mama konseri pa e futuro di nos yunan