WILLEMSTAD.- Desafortunadamente humamentu di sigaria ta algu ku ta dañino pa salú di hende. Pero e multinashonal Philip Morris International riba un base regular ta invertí miónes di dòler den investigashonnan pa hasi ku humamentu ta bira ménos dañino p’e humadó. Investigashonnan a demostrá ku humamentu di sigaria tradishonal i konvenshonal tin relashon ku sierto malesanan ku no ta solamente relashoná ku bo pulmon. Pero PMI a desaroyá un produkto ku ta hasi ku e humadó ta kore ménos riesgo. Ku esei nos ta referí na e teknologia di “Heated Tobacco” ku ta yuda baha bo riesgonan pa malesa miéntras bo ta sinti tòg e sensashon di un sigaria.
Den un entrevista eksklusivo ku profesor Manuel Peitsch kende ta enkabesá e tim tras dje investigashon i e produkto aki, el a duna di konosé ku pa alkansá e meta PMI ta konsiente ku lo tin di hasi invershon pa hasi e kambionan tan deseá ei. Komo resultado di e investigashonnan ei ta bin deskubrí sierto métodonan. Investigashonnan manera esaki ta parse fásil, pero den e kaso aki so ta rekerí un tim di alrededor di 450 hende pa yega na e teknologia apropiá. No spanta: Pa a yega na e produkto final di IQOS ku ta funshoná a base di e teknologia di “Heated Tobacco” a dura kasi un dékada!!
Pero IQOS no a desaroyá solamente e sistema aki, sino ku tin produktonan ku tambe bo por “huma” pero ku defakto no ta un sigaria, solamente e ta kontené nikotina sea den forma líkido òf komo parti di un meskla.
Kousa di malesanan:
Humamentu di sigaria por ta kousa di malesanan kardiovaskular den transkurso di bo bida. Tambe a base di investigashon tin indikashon fuerte ku hendenan ku ta opta pa humamentu alternativo tin ménos riesgo di desaroyá e malesa di Parkinson.
Pero ta p’esei e investigashonnan na PMI no ta terminá, ya ku ta sigui buska pa sa dikon esei te lo te kaso.
Manera ta konosí, semper tin preokupashon tambe pa esnan ku ta ser eksponé na huma di sigaria (second hand smokers), pero segun sr. Peitsch den kaso di produktonan di IQOS lo no tin e peliger ei. For di e perspektiva di komposishon, e produktonan aki no ta produsí huma ku ta dañino pa medioambiente. Solamente den e kasonan aki ta keda eksistensia di e nikotina, pero e loke ta ser saká ta di tal nivel ku e no ta dañino pa tersera.
Segun sr. Peitsch, su mensahe semper ta pa, esnan ku nunka a huma no mester kuminsá ku esei. Es mas, esnan ku ta humadó mester stòp ku esei. I si nan disidí di kontinuá ku esaki, nan mester ta konsiente si ku nan salú ta na riesgo pa motibu di e sigaria konvenshonal. A lo ménos e ta rekomendá nan pa hasi un kambio ku ta alternativo pa e sigaria konvenshonal ku ta hopi ménos riesgoso. Den esaki un opshon ta e produktonan a base di “Heated Tobacco” òf sigarianan elektróniko.