=
WILLEMSTAD.- E víktima ku a fayesé a konsekuensia di e aksidente ku a tuma lugá riba Caracasbaaiweg djamars 7 di òktober 2025, a keda identifiká komo Gabriel De Jesus Magdalena, nasé na Kòrsou 5 di òktober 1988.
E aksidente a tuma lugá awe alrededor di 12:30 am. E sitio di e aksidente tabata nèt dilanti di Luna park. E promé informashonnan ta indiká ku e víktima lo a kaba di kumpra su ko’i kome na e trùk di pan, i a bai krusa kaya pero no a paga tinu ku un outo tabata bin i esaki a alkanse. E outo a kore bai laga e víktima tambe pues polis investigando e kaso komo unu di ‘hit & run’. Bosero di Kuerpo Polisial Kòrsou sr Maurits Rosalina ta hasi un apelashon e shofùr ku a dal e persona awe mardugá riba Caracasbaaiweg pa bai entregá su mes na warda di polis pa atendé ku e aksidente aki. Si a kaso tin testigu di e aksidente fatal aki òf ku tabata na e trùk di pan òf tin informashon por tuma kontakto mesora ku 917.