WILLEMSTAD.- Ofisina sentral di Statistik ta informá ku sifra di importashon i eksportashon a baha  na Kòrsou ku respektivamente 16,5% i 14,5% na 2020. E ofisina ta presentá e datonan di statistik relashoná ku komèrsio internashonal pa 2020. E datonan akí ta statistik sekundario derivá prinsipalmente di dokumento di duana, mediante e sistema di kompilashon i prosesamentu Eurotrace. Ta prepará e datonan di statistik di komèrsio konforme e sistema ‘special trade’. E sistema akí ta tene kuenta ku zona liber i sierto produktonan ku no ta inkluí den e datonan.

Resultadonan pa 2020:

Importashon

Importashon a baha ku 16,5% na 2020 kompará ku 2019;

Na 2020 a importá 1796 mion florin na produktonan (eksklusivo zeta i produktonan di zeta), Tòp 3 produktonan mas importá na 2020;

barku i boto etc., 4,8%

remedi 4,8%

outo i tur otro tipo di transporte 4,1%

E 3 paisnan ku na 2020 a importá mas tantu ta: Hulanda (25.9%), Estádos Unídos (31.8%) i Panama (6.3%).

Eksportashon

Eksportashon a baha ku 14,5 % na 2020 kompará ku 2019;

Na 2020 a eksportá 147 mion florin na produktonan (eksklusivo zeta i produktonan di zeta).

Tòp 3 produktonan mas eksportá na 2020; boto 12,5%,

Piedra i santu etc., 5.7%

pigment, fèrf,m vèrnis i mes un tipo di material 5.3%

E paisnan for di unda a ser eksportá mas tantu na aña 2020 ta: Boneiru (33.6%), Hulanda (14.0%) i Aruba (12.3%)