WILLEMSTAD. - Asuntunan Públiko, está Kranshi, a tuma nota ku tin un informashon ta sirkulá ku no ta konta pa nos di Kòrsou.

Esaki a trese konfushon pa nos siudadanonan ku ta bai saka nan pasport.

Kranshi ta enfatisá i alabes ta pidi nos siudadanonan pa tuma bon nota ku e preis normal pa pasport a keda meskos.

E pasport ta kosta ta Ang. 200,00 pa adulto i Ang 100,00 pa menor di edat, konforme nos lei.

Tur siudadano ku tin sita entrante 6 di yanüari ta paga e montante ku mester paga normal pa su pasport i no tin kambio den esaki.

Ministerio di Gobernashon, Planifikashon i Servisio Públiko ta lamentá ku tin un informashon inkorekto ta sirkulá ku por trese konfushon serka nos hendenan na momento ku nan bai paga pa nan pasport nobo.