WILLEMSTAD.- Aktualmente tin informashonnan médiko di un kantidat di kasi 200 pashènt plamá riba kaya, EXTRA a keda aserká pa diferente di e personanan aki ku a tuma nota di nan informashonnan médiko riba kaya.

Ta trata di informashon di 193 pashènt, nan informashonnan konfidensial di nan malesa i hopi mas ta riba kaya, nan lo a keda mandá for di un e-mail jeanylagun@gmail.com.

E pashèntnan aki ke sa kon e persona ei a yega na e informashonnan konfidensial di e pashèntnan. Esnan ku EXTRA a papia kuné no tin konosementu ken e Jeany Lagun (nòmber ta konosí pa EXTRA) ei lo por ta. Si nan a duna EXTRA su nòmber i tambe number di telefòn. Nos a purba yama e number pero no a logra haña kontakto ku e persona.

E pashèntnan víktima ta bai hasi denunsia na polis. Di un kaminda mester sa kon e informashonnan konfidensial di pashèntnan ta skeiru riba kaya.