Realidat ta ku mayoria humadó lo no stòp di huma sigaria

WILLEMSTAD. - Si tin un kos ku ta tene humadónan rònt mundu hopi okupá den e último tempunan, ta e reto di sea stòp di huma òf kambia pa un mihó alternativa. Un investigashon profundo di parti di un kompania independiente a realisá riba stòp di huma i uso di nikotina, a sali afó ku e realidat ta ku mayoria humadó lo no stòp di huma sigaria. E kompania renombrá Povaddo un kompania independiente a realisá un investigashon den 13 pais grandi ku a konkluí ku tin falta di informashon di e produktonan liber di huma i banda di esei hopi informashon robes ta sirkulá riba e produktonan aki ku ta sòru pa hopi konfushon.

Un kos ta sigur, stòp di huma ta e mihó alternativa, esei semper ta asina, pero e echo ku humadónan lo no stòp, tin alternativa pa e hendenan aki. Tin sierto bareranan ku mester keda surpasá pa por pone e humadónan konsiderá e produktonan alternativo di liber di huma.

E investigashon  realisá den e 13 paisnan tabata riba personanan di edat 21 pa 74 aña i tabata konsentrá riba dos aspekto, esta e impakto di humamentu riba e relashon personal i e falta di informashon ku tin pa loke ta trata produkto liber di huma.

Pa loke ta trata e último, ehekutivonan di Philip Morris International (PMI) Jacek Olczak a duna di konosé, ku tin un kantidat grandi di mal informashon ta sirkulá pa loke ta trata produkto liber di huma, loke ku ta kousa hopi konfushon. Esaki ta e opstákulo di mas grandi ku mundu ta konfrontando pa bira liber di huma. E realidat ta ku tin mihó opshonnan disponibel pa e  humadónan adulto ku lo no stòp di huma. Akinan ta bisto ku tin un nesesidat urgente pa bin ku un kombersashon global, basá riba investigashonnan sientífiko i tambe echonan pa loke ta trata e alternativanan aki.

Ta un deseo ku ainda no por keda kumpli, esta kon por bin ku un mihó kombersashon públiko  pa hasi sigaria un kos di pasado.

Kuater di e 5 personanan entrevistá, ta di akuerdo ku kambio ta nesesario, kaminda ku mitar di e esunnan entrevistá ta bisa ku nan tin e informashon pa por hasi e kambio pa produktonan liber di huma.

Esaki ta resultadonan di e investigashon realisá na entre otro Israel, Australia, Hong Kong i Brazil. Ta na Israel so 25% di esnan entrevistá ta bisa ku nan tin e informashonnan nesesario di e produkto liber di huma, kompará ku porsentahenan di respektivamente 43%, 66% i 62% di e personanan entrevista di e otro paisnan ku ta bisa ku nan tin e informashonnan nesesario pa bai pe kambio.

Pero ketu bai tin un demanda pisá pa mas informashon, miéntras 90% sa di e produktonan liber di huma i 68% di humadónan ta bisa ku nan ta konsiderando pa kambia pa un mihó alternativa, manera produktonan liber di huma.