WILLEMSTAD. - Inkreibel tuma nota di e kantidat di sushi ku ta keda depositá den mondi. Ta insólito pensa kon tin figuranan asosial ku ainda no ta komprondé ku mondi òf sitionan alehá no ta pa tira sushi. Aki ta e kaya di tera ku ta kore entre di pòmp di gasolin Curoil na Suffisant i sali na Muizenberg. Pa evitá e tipo di aktuashonnan aki, ta edukashon i tambe sentido di patriotismo so por yuda. Ta di spera ku e asosialnan stòp di tira sushi na e sitio aki i buska kaminda pa Landfill.