WILLEMSTAD.-  Fundashon Kultural Seú Kòrsou (FKSK), ta pone tur lidernan di gruponan di Seú na altura pa un reunion general.

Esaki lo ta djasabra 8 di mart 2025  na sentro di bario Sta. Maria, Seru Fortunaweg, Sede di SEÚ. E reunion ta di 4 or pa 6 or di atardi.

Riba e fecha ei lo tin inskripshon pa partisipá den e 2 marcha (dia 21 di aprel 2025 i di dia 4 di mei 2025 Banda abou ).

Den e reunion aki lo diskutí riba tur punto di preparashon i tambe lo trata e Agènda di SEÚ 2025.

Pues Lidernan di grupo SEÚ ta keda kordialmente invitá pa e reunion aki manera semper.