WILLEMSTAD.- Inspekshon di Salubridat ta fiha su punto di bista pa ku uso di mashinnan di Laser i IPL den salonnan di estétika i òf salon di beyesanan.

Uso di e tipo di mashinnan aki por sosodé solamente dor di un dòkter òf un terapista di kueru.

Inspekshon di Salubridat a indiká ku nan ta na altura di uso di mashinnan Laser i òf otro mashin igual.

Pa ku uso di e mashinnan aki pa basta tempu tabatin un inklaridat. A base di un investigashon profundo, entre otro dor di Instituto di Reino pa Salubridat i Higiena di Medio ambiente (RIVM) na Ulanda, awor tin un liña di maneho ku a keda fiha pa uso di e tipo di mashinnan aki dor di un dòkter i/òf un terapista di kueru.

E posishon aki ta pasobra ku e aparatonan aki por kibra e kueru parti pafó si tin uso ekseso di energia di e mashin. E evaluashon di indikashon den kombinashon di e kueru di kada hende individual, p’esei un dòkter òf un terapista mester atendé ku e mashin pa evitá daño na e kueru. Esaki ta konta mas fuerte pa Kòrsou, kaminda a sali na kla ku e intensidat ku ta usa rayonan UV ta supstansialmente mas haltu ku na Ulanda.

Inspekshon di salubridat a disidí ku e liña di maneho aki ta e punto di bista ku for di ayera ta ser usa pa supervishon i maneho. E salonnan aki ku ta konosí na inspekshon a keda pone na altura di e punto di bista aki. Alabes a pidi e salonnan aki pa duna un bista di e aparatonan di Laser ku nan ta usa, i ken ta e persona ku ta responsabel den uso di e mashinnan aki.