WILLEMSTAD.- Te ainda no tin fecha stipulá ofisial pa outomobilistanan por kuminsá paga number di outo pa e aña 2021. Segun Direktor di Ontvanger Alfonso Trona te ainda intenshon ta ku outomobilistanan por kuminsá paga number di outo for di 20 di yanüari benidero. Pero segun Trona esaki ta dependé si e stekernan yega na tempu. Si e stekernan yega djaluna awor por kuminsá un tiki mas tempran ku 20 di yanüari ku pagamentu di ‘wegenbelasting’.

Otro siman Ontvanger lo duna di konosé di forma ofisial for di ki dia outomobilistanan por kuminsá paga pa nan number di outo.