WILLEMSTAD.- Un dje puntonan ku ‘DEN E BEMBE’ a trese dilanti den nos análisis kòrtiku ku nos a hasi di Karnaval 2018 ta e situashon ku tabatin tiki hende riba ruta di Karnaval.
E ponensia aki no a keda mirá pa nos so, pero awe nos ta kompartí algun potrèt di nos kolega fotógrafo ku a saka esaki riba djamars na momentu ku el a tuma nota ku Breedestraat Otrobanda tabata praktikamente bashí despues di viadukto.
Pa hasi nos opservashon aun mas fuerte ayera tardi nos ta topa un konosido músiko ku su promé tópiko di kombersashon tabata e situashon di falta di interes pa bin wak Karnaval.
Esei ta motibu pa kua nos ta hasi e pregunta ku si mester kambia ruta òf ta interes di parti di pueblo a baha pa ku bai wak Karnaval.
Ta konosí ku e públiko ta ménos ora di Marcha Hubenil i despedida Hubenil, pero nan ta sali bin na kantidat ora ta trata Gran Marcha i Marcha di Despedida.
E potrètnan di Otrobanda ta indiká vários situashon, sea nos ta gusta yega lat pa wak Karnaval, e último parti di e ruta no tin interes pe, e kantidat di hende bibá den Otrobanda a baha loke ta pone ku di mes no tin públiko pará pa wak òf ta un indikashon serio ku mester bai traha riba kambio di ruta di Karnaval.
E situashon na e sitio kaminda a saka e potrèt mas lat di anochi a kambia den sentido ku tabatin algu di públiko, pero esaki tabata den gran parti turista òf hendenan ku a parker nan outo na Punda i a krusa bin wak e final di marcha segun nos a keda informá.
Laga e artíkulo aki sirbi komo un punto di atenshon pa loke ta trata e ruta di Karnaval.

7 COMMENTS

  1. Ken ta sali nan kas pa hanja nan den problema ku hende nan ku inresponsabel.Wak kuantu kos ta pasa riba e pida baranka aki,wak kuantu matamentu tin.Ta pesey e hende nan tin miedo di sali bai kaja awen dia.Mi ta jama Dios danki ku mi ta sigi Kristu Hesus.Amen.

  2. E kos no ta interes a perde pero dor ku karnaval ta saliendo demasiado lat majoria di nos ku sa para den otrabanda a opta pa bai otro sitio ku kaminda ku bo por bai kas na un ora kubo por lnt mainta bai bo trabou

  3. Si antes ta otrabanda tbta nos station . Hopi hende riba otro masha dushi mes. Door di tantisimo kos ku ta pasa vooral e tiramentunan i un karnaval fuma ku ta pasa den otrabanda bon laat nos no ta sinta den otrabanda mas. Nos ta bai para na santa maria bai kas trempan masha dushi mes.Ami ta kere e ruta ta bon . Pero djamars mester ta dia liber i saka karnaval muchu mas trempan . Hopi hende no ta bai wak karnaval mas tampoko . Door di hopi ladronisia den kas i problemanan riba kaja.

  4. E ratu ta bon bon paso ami a baila den grupo loke ta pasa ta ku nos juh di korsow nunka ta na tempu bosa kiko tbt jammer nos grupo tbt den marchena anto rei momo kimando no ta leuk tampoko antes rei momo nn ta kore henter e ruta kune kita kos malu manera bieuw nn ta bisa ban bek den e style ey shonn anto hopi hnd ti miedu di sali kas pa nn no hanja nn den problema sin sa di nada

  5. Gloria na Dios . Nuin hende no mester bai mes. Boso bai buska Dios. Stop nu e fiesta demonia ey anto bai buska pa juda otro. Stop e payasada ey. Ta basta . Niun kambia ruta. Bai lesa boso beibel i buska Dios. Bai den kaja hasi orashon adora e Dios bibu. Hesus di Nazareth. Dios di Abraham Jacob Isaac.

LAGA UN KOMENTARIO

Please enter your comment!
Please enter your name here