WILLEMSTAD. -  Djasabra tras di lomba,  a surgi un situashon na Servisio Veterinario, kaminda dr. Alcalá su presensia a pone ku a yega na un solushon di e situashon ku tabata indiká ku lo no a keda kla.

Den un komentario kòrtiku formulá pa redakshon di EXTRA, dr. Alcalá a splika ku el a haña un yamada telefóniko di algun persona ku tabata na Servisio Veterinario, pero nan no por drenta pa motibu ku no tin bewaker.

Dr. Alcalá komo Direktor di e Sektor a hasi akto di presensia i a atendé ku e hendenan ku por sierto tabatin afsprak trahá previo pa sakrifiká un animal. Manera a keda menshoná ariba  e echo ku no tabatin niun bewaker einan i dor ku nan no por a keda kla nan a bèl dr. Alcalá ku a duna oido i a buska solushon.

Dr. Alcalá a tuma kontakto ku e hefe di e departamento dr. Dwarkasing  i akinan tur kos a keda reglá e momentu ei.