Estudio resien ta konfirmá un biaha mas:

WILLEMSTAD. - Na Hapon entre 2015 pa 2019, uso di sigaria a baha konsiderabel. Ta hasi menshon ku uso di sigaria a baha ku 34%. Esaki ta resultado di e desaroyo komersial ku tin ku lansamentu di e loke ku nan ta yama “e-cigarettes” i e “tobaco-heating devices” o sea produkto ku ta kalentá e tabako, na lugá di kima e tabako. Hapon ta lider den e desaroyo aki, kaminda ku e kambio pa produktonan ku ta kalentá tabako ta kresiendo.

Di akuerdo ku Frost & Sullivan, nan rapòrt resien pa loke ta trata liderazgo intelektual pa ku redusí e daño di tabako kompará ku e produkto nobo di tabako i nikotina, t’asina ku e bahada den uso di sigaria, por keda asosiá ku introdukshon di e produkto Iqos, ku ta un produkto di e kompania Philip Morris International.

A sali na kla tambe for di e estudio, ku kaminda ku tin e alternativa pa ku kalentá tabako, tur produkto di tabako nan uso ta bahando.

E echo ku tin e produktonan aki riba merkado tin un impakto positivo tambe riba esnan ku nunka no a huma i tambe hendenan ku tabata huma no ta reanudá nan uso di sigaria.

Un faktor mas ku a bin dilanti ta ku e produktonan ku ta kalentá tabako, e chèns pa kousa kandela ta ménos ku e forma di uso di sigaria tradishonal.

Na Hapon a habri un debate relashoná ku uso di e produktonan ku ta redusí daño ku tabako ta okashoná. A tuma e konsepto aki na konsiderashon kaminda ku komportashon i praktiká ta hunga un ròl pa por baha e nivel di daño i riesgo.

Redukshon di uso di tabako ta di sumo importansia. Mundialmente 7 mion hende ta muri pa aña relashoná ku tabako. Di akuerdo ku ‘World Health Organization’ (WHO), mundialmente tin 1.1 bion hende ta huma i e espektativa ta indiká ku e sifra aki lo no kambia muchu pa aña 2025.

Pa loke ta trata Hapon, nan a regulá uso di e produktonan di ménos riesgo  aki, dor di imponé impuesto riba sigaria, a introdusí restrikshonnan pa ku uso di sigaria i hopi informe riba e loke ku sigaria por kousa na salú di hende.

Hopi pais den entre otro Europa ya a kuminsá konsiderá uso alternativo di tabako komo apropiá, pa esnan ku ke sigui hasi uso di tabako.

Na yüli di aña pasá “Food and Drug Administration” (FDA) na Merka a duna outorisashon pa kuminsá ku merkadeo di Iqos  komo un produkto modifiká di tabako, konsiderando esaki komo un promoshon apropiá pa ku salú.

Na luna di òktober tras di lomba, a kuminsá ku merkadeo di Iqos na Costa Rica.