WILLEMSTAD.- Ayera mainta trempan reshèrshinan di RST i tambe Afpakteam a tene 3 entrada hudisial aki na Kòrsou.

E entradanan hudisial ta relashoná ku un kaso grandi di labamentu d plaka ku a tuma lugá algun aña atras. Ta trata aki di un investigashon ku ta karga e nòmber “Hamburg”.

E investigashon aki a lanta for di aña 2017 i ayera tabata un kontinuashon di e investigashonnan. Na e entradanan hudisial na entre otro Sta. Rosa i Rooseveltweg tabatei presente Fiskal di Ministerio Públiko, Wes Komisario i tambe Grifir.

No a realisá ningun detenshon pero no ta ekskluí e posibilidat ku esaki lo por sosodé den futuro.